.jpeg)
ബിഷ: ബിഷക്ക് സമീപം സബ്ത്തുല് അലായില് കാര്ട്ടണ് ജോലി ചെയ്തിരുന്ന പശ്ചിമ ബംഗാള് മുര്ശിദാബാദ് സ്വദേശി മുനീര് ഇസ്ലാം (53) സ്ട്രോക്ക് മൂലം മരിച്ചു. രാവിലെ എഴുന്നേല്ക്കാതിരുന്നതുകണ്ട് സുഹൃത്തുക്കള് നോക്കുമ്പോള് ഒരു ഭാഗം തളര്ന്നു കിടക്കുന്നതാണ് കണ്ടത്. ഉടനെ സബത്തുല് അലായ ഹോസ്പിറ്റല് എത്തിച്ചു പ്രാഥമിക ചികില്ത്സ നല്കിയ ശേഷം ബിഷ കിങ് അബ്ദുല്ല ഹോസ്പിറ്റലില് എത്തിച്ചു ശത്രക്രിയക്കു വിധേയനാക്കിയെങ്കിലും മരണമടയുകയായിരുന്നു.
പത്ത് വര്ഷത്തോളമായി സബ്ത്തുല് അലായില് ജോലി നോക്കി വരികയായിരുന്നു. ബിഷ കിങ് അബ്ദുല്ല ഹോസ്പിറ്റലിലുള്ള മൃതദേഹം നിയമ നടപടി പൂര്ത്തിയാക്കി ബിഷയില് ഖബറടക്കും. ഖോര്ജുന മുര്ശിതാബത് സ്വദേശി ആണ് പരേതന്. ഭാര്യയും ഒരു കുട്ടിയും ഉണ്ട്. അവധികഴിഞ്ഞു നാട്ടില് നിന്നും വന്നിട്ട് മൂന്ന് മാസം ആകുന്നതേയുഉള്ളു. നിയമ നടപടി പൂര്ത്തിയാക്കാന് ബിഷയിലെ സാമൂഹിക പ്രവര്ത്തകനും ജിദ്ദ ഇന്ത്യന് കോണ്സിലേറ്റ് വളണ്ടിയറുമായ അബ്ദുള് അസീസ് പാതിപറമ്പന് കൊണ്ടോട്ടിയെ മുനീറിന്റെ കുടുംബം ചുമതല പെടുത്തി. സഹയാത്തിനും മറ്റും റഷീദ് സബ്ത്തുല് അലായയും ഉണ്ട്.
Related News
