ന്യൂഡല്ഹി: മലയാളികളുടെ പ്രിയ താരം മോഹന്ലാലിന് ദാദാ സാഹെബ് ഫാല്ക്കെ പുരസ്കാരം. ഇന്ത്യന് ചലച്ചിത്ര മേഖലയിലെ പരമോന്നത പുരസ്കാരമാണിത്. ചലച്ചിത്ര മേഖലക്ക് നല്കിയ സമഗ്ര സംഭാവന പരിഗണിച്ചാണ് പുരസ്കാരം. 2023ലെ പുരസ്കാരമാണ് മോഹന്ലാലിന് ലഭിച്ചിരിക്കുന്നത്. ചൊവ്വാഴ്ച ദേശീയ ചലച്ചിത്ര പുരസ്കാര വേദിയില് മോഹന്ലാലിന് അവാര്ഡ് സമ്മാനിക്കും.
തലമുറകളെ പ്രചോദിപ്പിക്കുന്നതാണ് മോഹന്ലാലിന്റെ സിനിമായാത്രകളെന്ന് പുരസ്കാരം പ്രഖ്യാപിച്ചുകൊണ്ടുള്ള കേന്ദ്ര സര്ക്കാരിന്റെ പ്രസ്താവനയില് പറയുന്നു. നടനും സംവിധായകനും നിര്മാതാവുമായ മോഹന്ലാലിനെ ആദരിക്കുന്നുവെന്നും അദ്ദേഹത്തിന്റെ അതുല്യമായ പ്രതിഭ, വൈദഗ്ധ്യം, കഠിനാധ്വാനം തുടങ്ങിയവ ഇന്ത്യന് സിനിമാ ചരിത്രത്തില് സുവര്ണസ്ഥാനം നേടിയെന്നും പ്രസ്താവനയിലുണ്ട്.
സംവിധായകന് അടൂര് ഗോപാലകൃഷ്ണനാണ് ഇതിന് മുമ്പ് ഫാല്ക്കെ പുരസ്കാരം ലഭിച്ച മലയാളി. 2004ലാണ് അദ്ദേഹത്തിന് പുരസ്കാരം ലഭിച്ചത്. കഴിഞ്ഞ വര്ഷത്തെ പുരസ്കാരം ബോളിവുഡ് നടന് മിഥുന് ചക്രവര്ത്തിക്കായിരുന്നു. രാജ്യത്തെ പ്രഥമ സമ്പൂര്ണ ഫീച്ചര് സിനിമയായ രാജ ഹരിശ്ചന്ദ്രയുടെ സംവിധായകനായ ദാദാസാഹെബ് ഫാല്ക്കെയുടെ സ്മരണ നിലനിര്ത്താന് കേന്ദ്ര സര്ക്കാര് 1969ല് ഏര്പ്പെടുത്തിയതാണ് പുരസ്കാരം.
പ്രധാനമന്ത്രിയും മുഖ്യമന്ത്രിയും അഭിനന്ദിച്ചു
മോഹന് ലാല് മികവിന്റെയും വൈവിധ്യത്തിന്റെയും പ്രതീകമാണെന്ന് പ്രധാനമന്ത്രി നരേന്ദ്ര മോദി പറഞ്ഞു. ദാദാ സാഹിബ് ഫാല്ക്കെ പുരസ്കാരം ലഭിച്ച ശേഷം മോഹന്ലാലിനെ അഭിനന്ദിച്ചു കൊണ്ടുള്ള എക്സ് പോസ്റ്റിലാണ് പ്രധാനമന്ത്രിയുടെ പ്രതികരണം. പതിറ്റാണ്ടുകളായി മലയാള സിനിമയിലും നാടകത്തിലും മോഹന് ലാല് ഒരു പ്രതിഭയായി നിലകൊള്ളുന്നു. കേരള സംസ്കാരത്തെക്കുറിച്ച് ആഴമായ അഭിനിവേശമുള്ളയാളുമാണ് മോഹന്ലാല് എന്നും പ്രധാനമന്ത്രി അഭിനന്ദന സന്ദേശത്തില് പറഞ്ഞു. തെലുങ്ക്, തമിഴ്, കന്നഡ, ഹിന്ദി സിനിമകളിലും മോഹന് ലാല് ശ്രദ്ധേയമായ പ്രകടനങ്ങള് കാഴ്ചവച്ചിട്ടുണ്ട്. അദ്ദേഹത്തിന്റെ സിനിമാറ്റിക്, നാടക വൈഭവം ശരിക്കും പ്രചോദനാത്മകമാണ്. ദാദാസാഹിബ് ഫാല്ക്കെ അവാര്ഡ് ലഭിച്ചതിന് അദ്ദേഹത്തിന് അഭിനന്ദനങ്ങള്. അദ്ദേഹത്തിന്റെ നേട്ടങ്ങള് വരും തലമുറകള്ക്ക് പ്രചോദനം നല്കട്ടെയെന്നും പ്രധാനമന്ത്രി കുറിച്ചു.
മലയാള ചലച്ചിത്ര മേഖലയ്ക്ക് മാത്രമല്ല, നാടിനാകെ അഭിമാനം പകരുന്ന നേട്ടമാണ് മോഹന്ലാലിന്റേതെന്ന് മുഖ്യമന്ത്രി പിണറായി വിജയന് പറഞ്ഞു. അനുപമമായ ആ കലാ ജീവിതത്തിന് അര്ഹിക്കുന്ന അംഗീകാരമാണ് ലഭിച്ചിരിക്കുന്നതെന്നും അദ്ദേഹം കൂട്ടിച്ചേര്ത്തു.
സ്വാഭാവികവും സവിശേഷവുമായ അഭിനയ ശൈലി കൊണ്ട് നാലര പതിറ്റാണ്ടിലധികം മലയാളികളെയും ലോകത്തെ തന്നെയും വിസ്മയിപ്പിച്ച നടനാണ് മോഹന്ലാല് എന്ന് പ്രതിപക്ഷ നേതാവ് വി.ഡി. സതീശന് ഫെയ്സ്ബുക്കില് കുറിച്ച
Related News
