റിയാദ്: അന്തരിച്ച സൗദി അറേബ്യന് ഗ്രാന്ഡ് മുഫ്തിയും ഉന്നത പണ്ഡിതസഭാ ചെയര്മാനായിരുന്ന ഷെയ്ഖ് അബ്ദുല് അസീസ് ആലു ഷെയ്ഖിന്റെ കുടുംബത്തിനും ബന്ധുക്കള്ക്കും അനുശോചനം നേരിട്ടറിയിക്കാനായി കേരള നദ്വത്തുല് മുജാഹിദീന് ( കെ എന് എം ) സംസ്ഥാന ഉപാദ്ധ്യക്ഷനും ഗള്ഫ് ഇസ്ലാഹി കോഓഡിനേഷന് ചെയര്മാനുമായ ഡോ. ഹുസൈന് മടവൂര് റിയാദിലെത്തി. ഷെയ്ഖിന്റെ ഔദ്യാഗിക വസതിയില് മക്കളെയും മറ്റു കുടുംബാംഗങ്ങളെയും ഉന്നത പണ്ഡിത സഭാംഗങ്ങളെയും കണ്ട് ആശ്വസിപ്പിക്കുകയും പ്രാര്ത്ഥന നടത്തുകയും ചെയ്തു.
ഷെയ്ഖിന്റെ വിയോഗം പണ്ഡിത ലോകത്തിന്നു വലിയ നഷ്ടമാണെന്നും ഇന്ത്യയിലെ മുസ്ലിം നവോത്ഥാന വിദ്യാഭ്യാസ സംരംഭങ്ങള്ക്ക് അദ്ദേഹത്തിന്റെ പിന്തുണ വളരെ വലുതായിരുന്നുവെന്നും മലബാര് എജ്യൂസിറ്റി ചെയര്മാന് കൂടിയായ ഹുസൈന് മടവൂര് പറഞ്ഞു. വിദേശികള്ക്ക് മത സാംസ്കാരിക പ്രവര്ത്തനങ്ങള് നടത്തുന്ന ജലിയാത് ഓഫീസുകള്ക്കും ഇസ്ലാഹി സെന്ററുകള്ക്കും അദ്ദേഹം വലിയ സഹായം നല്കി. ഇന്ത്യക്കാരോട് ഷെയ്ഖിന്നു വലിയ താല്പര്യമായിരുന്നു. ഇന്ത്യന് പ്രധാനമന്ത്രി നരേന്ദ്ര മോദി മുഫ്തി യുടെ വിയോഗത്തില് അനുശോചനം അറിയിച്ചിരുന്നു. ലോകത്തിന്റെ വിവിധ ഭാഗങ്ങളില് നിന്നുള്ള പ്രമുഖ വ്യക്തികള് അനുശോചമറിയിക്കാന് റിയാദിലേക്കെത്തിക്കൊണ്ടിരിക്കുകയാണ്.
ഡോ. മടവൂരിന്റെ സന്ദര്ശനതിന്നു ഷെയ്ഖിന്റെ കുടുംബവും ദാറുല് ഇഫ്താ വക്താവ് ഷെയ്ഖ് ഖാലിദ് അല് ജൂലൈയിലും നന്ദി രേഖപ്പെടുത്തി. സന്ദര്ശനത്തില് റിയാദ് ഇസ്ലാഹി സെന്റര് വൈസ് പ്രസിഡന്റുമാരായ അഡ്വ. അബ്ദുല് ജലീല്, മുജീബ് അലി തൊടികപ്പുലം എന്നിവരും ഹുസൈന് മടവൂരിന്റെ കൂടെയുണ്ടായിരുന്നു.
Related News
