മക്ക/മദീന: കഴിഞ്ഞ റബീഉല്‍ അവ്വല്‍ മാസത്തില്‍ മസ്ജിദുല്‍ ഹറാം, മസ്ജിദുന്നബവി എന്നീ ഇരു ഹറമുകളിലുമായി ആകെ 5.36 കോടി തീര്‍ഥാടകരും സന്ദര്‍ശകരുമാണ് എത്തിയതെന്ന് ഇരു ഹറം കാര്യാലയം അറിയിച്ചു. ഉംറ തീര്‍ത്ഥാടകരുടെ എണ്ണം 1.2 കോടി കവിഞ്ഞു.

മസ്ജിദുല്‍ ഹറാമിലെ തീര്‍ത്ഥാടകരുടെ എണ്ണം 1.75 കോടി കവിഞ്ഞു. ഇവിടെ ഉംറ നിര്‍വഹിച്ചവരുടെ എണ്ണം 1.21 കോടി യാണ്. മസ്ജിദുന്നബവിയില്‍ എത്തിയ സന്ദര്‍ശകരുടെ എണ്ണം 2.07 കോടിയാണ്. റൗദ ശരീഫില്‍ ആരാധന നിര്‍വഹിച്ചവരുടെ എണ്ണം ഒരു കോടി കടന്നതായും പ്രസ്താവനയില്‍ അറിയിച്ചു.

1447 ഉംറ സീസണില്‍ ലോകമെമ്പാടുംനിന്നെത്തിയ തീര്‍ത്ഥാടകരുടെ എണ്ണത്തില്‍ 10% വര്‍ദ്ധനവ് രേഖപ്പെടുത്തി. ആകെ 25 ലക്ഷം തീര്‍ഥാടകരാണ് ഈ കാലയളവില്‍ ഉംറക്കായി എത്തിയത്.