ജിദ്ദ: ജിദ്ദ പ്രവാസിയും മലപ്പുറം സാമൂഹിക, സാംസ്‌കാരിക രംഗത്തെ നിറസാന്നിധ്യവുമായ ഇരുമ്പുഴി സ്വദേശി ഡോ. മുഹമ്മദ് അഷ്റഫിന് വീണ്ടും ഡോക്റ്ററേറ്റ് ലഭിച്ചു. 'കോവിഡാനന്തരം മിഡില്‍ ഈസ്റ്റില്‍ പ്രവാസി ഇന്ത്യന്‍ തൊഴിലാളികളില്‍ വന്ന മാനസികാരോഗ്യ പ്രശ്‌നങ്ങളും ഒപ്പം ഈ ജനതയുടെ മാനസിക പ്രയാസങ്ങള്‍ ശാരീരിക പ്രശ്‌നങ്ങളായി മാറുന്ന അവസ്ഥയും' എന്ന വിഷയത്തില്‍ ഇന്ത്യയിലെ പ്രശസ്ത യൂനിവേഴ്‌സിറ്റികളിലൊന്നായ ഹിമാലയനില്‍ നിന്നാണ് ഡോ. മുഹമ്മദ് അഷ്‌റഫിന് രണ്ടാമതും ഡോക്ടറേറ്റ് ലഭിച്ചത്.

ജിദ്ദ ബദര്‍ തമാം മെഡിക്കല്‍ സെന്ററില്‍ മാര്‍ക്കറ്റിങ് ഡയറക്ടര്‍, ക്ലിനിക്കല്‍ സൈക്കോളജിസ്റ്റായി ജോലിചെയ്തുവരുകയാണ് ഡോ. മുഹമ്മദ് അഷ്റഫ്. പരേതനായ റിട്ട. ഹെഡ് മാസ്റ്റര്‍ കുഞ്ഞിമുഹമ്മദിന്റെയും ഫാത്തിമയുടെയും മകനാണ്. ഭാര്യ: ഷീബ വബീന ഹൈസ്‌കൂള്‍ അധ്യാപികയാണ്. മൂന്ന് മക്കളുണ്ട്.