റിയാദ്: ആഗോള വിദ്യാഭ്യാസ രംഗത്ത് സൗദി അറേബ്യയുടെ മുന്നേറ്റത്തിന് അംഗീകാരം. ഓപ്പണ് എഡ്യൂക്കേഷനുള്ള അന്താരാഷ്ട്ര എക്സലന്സ് അവാര്ഡ് സൗദിക്ക് ലഭിച്ചു. ഇ-ലേണിങ് ദേശീയ കേന്ദ്രവുമായി ബന്ധമുള്ള 'ദേശീയ ഓപ്പണ് വിദ്യാഭ്യാസ റിസോഴ്സസ്' ആണ് ഓപ്പണ് എഡ്യൂക്കേഷന് ഫൗണ്ടേഷന്റെ ഈ അഭിമാനകരമായ പുരസ്കാരം ഏറ്റുവാങ്ങിയത്.
വിജ്ഞാനം പങ്കുവെക്കുന്നതിനും തുറന്ന വിദ്യാഭ്യാസം പ്രോത്സാഹിപ്പിക്കുന്നതിനും നല്കിയ മികച്ച സംഭാവനകള് പരിഗണിച്ചാണ് ഈ അന്താരാഷ്ട്ര അവാര്ഡ്. 16 ലക്ഷം ഗുണഭോക്താക്കള്, 130-ല് അധികം പങ്കാളി സ്ഥാപനങ്ങള്, 67,000-ത്തിലധികം ഓപ്പണ് എഡ്യൂക്കേഷന് റിസോഴ്സുകള് എന്നിവയെ ഉള്പ്പെടുത്തിക്കൊണ്ടുള്ള ബൃഹത്തായ പ്രവര്ത്തനങ്ങളാണ് സൗദിയെ ഈ നേട്ടത്തിന് അര്ഹമാക്കിയത്.
വിദ്യാഭ്യാസത്തിന്റെ നിലവാരം ഉയര്ത്തുന്നതിലും എല്ലാവര്ക്കും വിദ്യാഭ്യാസം ലഭ്യമാക്കുന്നതിലും മനുഷ്യവിഭവ ശേഷിയില് നിക്ഷേപം നടത്തുന്നതിലുമുള്ള സൗദിയുടെ ദീര്ഘവീക്ഷണമാണ് ഈ അവാര്ഡിലൂടെ കൂടുതല് ശക്തിപ്പെടുന്നത്. വിജ്ഞാനാധിഷ്ഠിത സമ്പദ്വ്യവസ്ഥ കെട്ടിപ്പടുക്കുന്നതിലും ഇ-ലേണിംഗ്, ഓപ്പണ് എഡ്യൂക്കേഷന് മേഖലകളിലെ സൗദിയുടെ മുന്നിര സ്ഥാനം ഉറപ്പിക്കുന്നതിലും ഈ നേട്ടം നിര്ണായകമാണ്.
അമേരിക്ക, കാനഡ, സ്പെയിന്, ജര്മ്മനി, മെക്സിക്കോ തുടങ്ങിയ വികസിത രാജ്യങ്ങള്ക്കൊപ്പം ഈ അവാര്ഡ് പട്ടികയില് സൗദിയും ഇടം നേടിയെന്നത് ശ്രദ്ധേയമാണ്. വിദ്യാഭ്യാസ മേഖലയ്ക്ക് രാജ്യഭരണം നല്കുന്ന അചഞ്ചലമായ പിന്തുണയുടെയും, ഗുണനിലവാരമുള്ള വിദ്യാഭ്യാസ വിഭവങ്ങള് ആഗോളതലത്തില് മത്സരാധിഷ്ഠിതമായ ഒരു വിജ്ഞാന സമൂഹത്തിന് വേണ്ടി എല്ലാവര്ക്കും ലഭ്യമാക്കാനുള്ള സൗദിയുടെ പ്രതിബദ്ധതയുടെയും സാക്ഷ്യപത്രമാണ് ഈ അന്താരാഷ്ട്ര പുരസ്കാരം.
Related News
