ദുബായ്: ദുബായ് ഭരണാധികാരി ശൈഖ് മുഹമ്മദ് ബിന് റാഷിദ് അല് അല്മക്തൂമിന്റെ നേതൃത്വത്തില് മൂവന്പിക്ക് കോണ്ഫറന്സ് ഹാളില് നടന്ന അന്താരാഷ്ട്ര അറബി ഭാഷ സമ്മേളനം സമാപിച്ചു. അറബി ഭാഷയുടെ വളര്ച്ചയ്ക്കും വികാസത്തിനും വേണ്ടി ദുബായ് ഭരണാധികാരി നടത്തുന്ന ശ്രമങ്ങളുടെ ഭാഗമായിട്ടാണ് അന്താരാഷ്ട്ര അറബി ഭാഷാ സമ്മേളനം ഓരോ വര്ഷവും സംഘടിപ്പിക്കുന്നത്.
അറബി ഭാഷയുടെ പ്രതിസന്ധി അറബ് സമൂഹത്തിന്റെ പ്രതിസന്ധിയാണെന്ന തലക്കെട്ടിലാണ് മൂന്നു ദിവസത്തെ സമ്മേളനം ഒരുക്കിയത്. 73 രാജ്യങ്ങളില് നിന്നായി 1700 അക്കാദമി വിദഗ്ധരും ഭാഷാ പണ്ഡിതരും ഗവേഷകരും പങ്കെടുത്ത സമ്മേളനത്തില് 800 പ്രബന്ധങ്ങള് അവതരിപ്പിച്ചു. 123 സെഷനുകളിലായി നടന്ന സമ്മേളനത്തില് അറബി ഭാഷയുടെ സമകാലിക ചലനങ്ങളും സാഹിത്യ സാമൂഹിക രംഗത്തെ വെല്ലുവിളികളും പരിഹാരങ്ങളും ചര്ച്ച ചെയ്തു. ആര്ടിഫിഷ്യല് ഇന്റലിജന്സിന്റെ കാലത്ത് ആധുനിക ടൂളുകള് ഉപയോഗിച്ച് എങ്ങനെ അറബി ഭാഷാ പഠനം മെച്ചപ്പെടുത്താന് കഴിയുമെന്ന ആഴത്തിലുള്ള ചര്ച്ചയാണ് ത്രിദിന സമ്മേളനത്തില് നടന്നത്.
കഴിഞ്ഞ ഒരു വര്ഷത്തിനിടയില് ആഗോളതലത്തില് അറബി ഭാഷക്കും സാഹിത്യത്തിനും സംസ്കാരത്തിനും നല്കിയ സമഗ്രമായ സംഭാവനകള്ക്കുള്ള ശൈഖ് മുഹമ്മദ് ബിന് റാഷിദ് അല്മക്തൂം അറബി ഭാഷ അവാര്ഡും വിതരണം ചെയ്തു.
ശൈഖ ലത്വീഫ ബിന്ത് മുഹമ്മദ് ബിന് റാഷിദ് അല്മക്തൂം അവാര്ഡുകള് വിതരണം ചെയ്തു. കേരളത്തിലെ വിവിധ യൂണിവേഴ്സിറ്റികളില് നിന്നും കോളജുകളില് നിന്നുമായി ഡോ. ശൈഖ് മുഹമ്മദ് (പ്രിന്സിപ്പല് ഇ.റ്റി.സി. ഇ. എസ്. കോളേജ് മഞ്ചേരി), ഡോ. ഇ അബ്ദുല് മജീദ് (അറബിക് വിഭാഗം കാലിക്കറ്റ് സര്വകലാശാല) ,ഡോ.എ ഐ അബ്ദുല് മജീദ് (പ്രിന്സിപ്പല്, അന്സ്വാര് അറബിക് കോളേജ് വളവന്നൂര്), യൂസുഫ് സാഹിബ് നദുവി ഓച്ചിറ (റിസര്ച്ച് സ്കോളര്, എം.യു.എ. കോളേജ് പുളിക്കല്), ഡോ. ഇ കെ സാജിദ് ( പ്രിന്സിപ്പല്, എം.എം.ഒ. കോജേജ്, മുക്കം), ഡോ.സുബൈര് വാഴമ്പുറം, മുഹമ്മദ് ആര്യന് തൊടിക, ഡോ. അബ്ദുല് മജീദ്, അബ്ദുല് അസീസ്, സിദ്ദീഖ് നദ്വി ചേറൂര്, അബ്ദുന്നാസിര് ഹുദവി കൈപ്പുറം, അബ്ദുസ്സമദ് വാഫി കുണിയ, അല്സഫ ബിന്ത് ഹസന് തുടങ്ങിയവര് സമ്മേളനത്തില് പ്രബന്ധങ്ങള് അവതരിപ്പിച്ചു.
ഫോട്ടോ: ദുബായ് അന്താരാഷ്ട്ര അറബി ഭാഷാ സമ്മേളനത്തില് പങ്കെടുത്ത കേരളത്തില് നിന്നുള്ള അക്കാദമിക വിദഗ്ധര്.
Related News
