ജിദ്ദ-ഡയറി, തേന്, കാപ്പി മേഖലകളില് നിന്നുള്ള ആറ് ജര്മ്മന് കമ്പനികള് സൗദിയില് നിക്ഷേപിക്കാന് മുന്നോട്ടുവരുന്നു. ജര്മ്മന്-സൗദി ലെയ്സണ് ഓഫീസ് ഫോര് ഇക്കണോമിക് അഫയേഴ്സ് റിപ്പോര്ട്ട് പ്രകാരം, ഈ കമ്പനികള് സൈദിയില് ഉല്പാദന യൂനിറ്റുകള് തുടങ്ങാന് താല്പര്യം പ്രകടിപ്പിച്ചിട്ടുണ്ട്.
ജര്മ്മന്-സൗദി ലെയ്സണ് ഓഫീസ് ഫോര് ഇക്കണോമിക് അഫയേഴ്സിന്റെ ഡയറക്ടര് റവാബി ബസ്യൂണി , ജര്മ്മന് കമ്പനികള് സമീപഭാവിയില് സൗദി വിപണിയിലേക്ക് പ്രവര്ത്തനം വ്യാപിപ്പിക്കാന് പദ്ധതിയിടുന്നുണ്ടെന്നും, ഭക്ഷ്യ ഉല്പ്പന്നങ്ങളുടെ ഉത്പാദനത്തിനായി പ്രാദേശിക ഫാക്ടറികള് സ്ഥാപിക്കാന് ശ്രമിക്കുന്നുണ്ടെന്നും വ്യക്തമാക്കി.
പ്രധാനമായും പാല് ഉല്പ്പന്നങ്ങള്, ചീസ്, തേന്, ജാം, കാപ്പി എന്നിവയിലാണ് ജര്മ്മന് കമ്പനികള് ശ്രദ്ധ കേന്ദ്രീകരിക്കുന്നത്. സൗദി വിപണിയുടെ വലുപ്പവും അവിടുത്തെ ദേശീയ വ്യവസായങ്ങളുടെ ഉയര്ന്ന നിലവാരവും അവര് പരിഗണിക്കുന്നു.
ജിദ്ദ ചേംബറില് നടന്ന ജര്മ്മന് കമ്പനികളുടെ പ്രതിനിധി സംഘത്തിന്റെ യോഗത്തിലാണ് ഈ വിവരങ്ങള് പുറത്തുവന്നത്.
ജിദ്ദ ചേംബര് ഓഫ് കൊമേഴ്സിലെ ഭക്ഷ്യ ഉല്പ്പന്ന സമിതി തലവന് ഫഹദ് അല്-ഗാംദി പറയുന്നതനുസരിച്ച്, ഇരു രാജ്യങ്ങളും തമ്മിലുള്ള നിക്ഷേപ സാധ്യതകള് ശക്തിപ്പെടുത്താന് ഈ കൂടിക്കാഴ്ചകള് പ്രധാനമാണ്.
ഈന്തപ്പഴത്തിന്റെ കാര്യത്തില് സൗദി-ജര്മ്മന് കമ്പനികള് തമ്മില് നിലവിലുള്ള സഹകരണം മെച്ചപ്പെടുത്താനുള്ള ശ്രമങ്ങള് നടക്കുന്നുണ്ട്. യൂറോപ്യന് വിപണികളില് സൗദി ഈന്തപ്പഴത്തിന് വലിയ ഡിമാന്ഡാണ്. ഈന്തപ്പഴം ഔഷധ വ്യവസായത്തിലും ഡയറി വ്യവസായത്തിലും ഉപയോഗിക്കുന്നുണ്ടെന്നും അദ്ദേഹം വിശദീകരിച്ചു.
Related News
