റിയാദ്: യു.എ.ഇക്കു പിന്നാലെ സൗദി അറേബ്യയും എയര്‍ ടാക്‌സി സര്‍വീസിനൊരുങ്ങുന്നു. ഇതിനായി ന്യൂയോര്‍ക്കിലെ ഇലക്ട്രിക് എയര്‍ ടാക്സി നിര്‍മാതാക്കളായ ജോബി ഏവിയേഷനുമായി സൗദി അറേബ്യയുടെ ജനറല്‍ അതോറിറ്റി ഓഫ് സിവില്‍ ഏവിയേഷന്‍ ധാരണാപത്രം ഒപ്പുവെച്ചു.

രാജ്യത്ത് പറക്കും ടാക്സികളുടെ സാക്ഷ്യപ്പെടുത്തലും വിന്യാസവും ത്വരിതപ്പെടുത്തുന്നതിന് ധാരണാപത്രം സഹായിക്കും. യുഎസ് ഫെഡറല്‍ ഏവിയേഷന്‍ അഡ്മിനിസ്ട്രേഷന്‍ മാനദണ്ഡങ്ങള്‍ അടിസ്ഥാനമാക്കി ഒരു ലളിതമായ സാക്ഷ്യപ്പെടുത്തല്‍ പ്രക്രിയ സ്ഥാപിക്കാന്‍ ഈ ധാരണാപത്രം സഹായിക്കും. ഇത് സൗദിയിലെ പ്രാദേശിക അംഗീകാര നടപടികള്‍ വേഗത്തിലാക്കാനും ഉപകരിക്കും.

യു.എ.ഇയില്‍ കഴിഞ്ഞ ആഴ്ചയിലാണ് എയര്‍ ടാക്‌സിയുടെ പരീക്ഷണ പറക്കല്‍ നടന്നത്. താമസിയാത ഇവിടെ സര്‍വീസ് ആരംഭിക്കുംം. യുഎസ്, യുകെ, ജപ്പാന്‍, ദക്ഷിണ കൊറിയ എന്നിവയ്ക്ക് പിന്നാലെയാണ് ജോബിയുടെ എയര്‍ ടാക്സി സേവനങ്ങള്‍ യു.എ.ഇയില്‍ ആരംഭിക്കുന്നത്. സൗദിയുമായി ധാരണാ പത്രം ഒപ്പിട്ടതോടെ ജോബിയുടെ എയര്‍ ടാക്സിയുടെ പ്രധാന വിപണികളിലൊന്നായി സൗദി അറേബ്യയും മാറും.