റിയാദ്: ധനസമാഹരണ സമ്പ്രദായത്തിലെ വ്യവസ്ഥകള് ലംഘിക്കുന്ന പരസ്യങ്ങള് പ്രോത്സാഹിപ്പിച്ചു എന്ന സംശയത്തിന്റെ അടിസ്ഥാനത്തില് രണ്ട സോഷ്യല് മീഡിയ ഇന്ഫ്ളുവന്സര്ക്കെതിരെ നടപടി. നാഷനല് സെന്റര് ഫോര് ദ ഡവലപ്മെന്റ് ഓഫ് നോണ്-പ്രോഫിറ്റ് സെക്ടര് ആണ് നടപടി സ്വീകരിച്ചത്. ഇവരെ വിളിച്ചുവരുത്തി
മൊഴി രേഖപ്പെടുത്തി. ലൈസന്സില്ലാത്ത സ്ഥാപനങ്ങള്ക്ക് പരസ്യം നല്കുന്ന മാധ്യമ സ്ഥാപനങ്ങള്ക്ക് പിഴ ചുമത്തുന്ന വ്യവസ്ഥ ധനസമാഹരണ സംവിധാനത്തില് ഉള്പ്പെടുന്നുണ്ട്.
നിയമപരമായ ചട്ടങ്ങളും മാര്ഗ്ഗനിര്ദ്ദേശങ്ങളും നടപടിക്രമങ്ങളും പാലിക്കേണ്ടതിന്റെ പ്രാധാന്യം കേന്ദ്രം വ്യക്തികളെയും ലാഭേഛയില്ലാതെ പ്രവര്ത്തിക്കുന്ന സംഘടനകളെയും വീണ്ടും ഓര്മ്മിപ്പിച്ചു. ഈ മേഖലയുടെ വികസനത്തിനും ദേശീയ ലക്ഷ്യങ്ങള് കൈവരിക്കുന്നതിനായി സാമൂഹികവും സാമ്പത്തികവുമായ സ്വാധീനം വര്ദ്ധിപ്പിക്കുന്നതിനും വ്യക്തികളും സ്ഥാപനങ്ങളുമായുള്ള സഹകരണം അനിവാര്യമാണെന്നും കേന്ദ്രം ചൂണ്ടിക്കാട്ടി.
വിവിധ സിവില് സൊസൈറ്റി സംഘടനകള്ക്കും സ്ഥാപനങ്ങള്ക്കുമെതിരെയും വ്യക്തികള്ക്കെതിരെയും നടപടികളെടുത്തിട്ടുണ്ട്.
397 സിവില് സൊസൈറ്റി സംഘടനകള്ക്ക് മുന്നറിയിപ്പ് നല്കുകയും 3 സിവില് സൊസൈറ്റി സംഘടനകളുടെ ബോര്ഡ് ഓഫ് ഡയറക്ടര്മാരെ പിരിച്ചുവിടുകയും ചെയ്തു.
Related News
