ദോഹ: 60ലധികം രാജ്യങ്ങളുടെ പങ്കാളിത്തത്തോടെ ഖത്തര് ട്രാവല് മാര്ട്ടിന് തുടക്കം കുറിച്ചു. ഇതുവരെ നടന്നതില് ഏറ്റവും വലിയ എഡിഷനാണിതെന്ന് സംഘാടകര് വ്യക്തമാക്കി. വാണിജ്യ, വ്യവസായ മന്ത്രി ഷേഖ് ഫൈസല് ബിന് താനി ബിന് ഫൈസല് അല് താനി ഉദ്ഘാടനം നിര്വഹിച്ച ചടങ്ങില് നിരവധി അംബാസഡര്മാര്, പ്രമുഖ അതിഥികള്, ബിസിനസ്സ് നേതാക്കള് എന്നിവര് പങ്കെടുത്തു. ഗ്ലോബല് ട്രെന്ഡുകളും സുസ്ഥിര ടൂറിസവും ശ്രദ്ധയാകര്ഷിക്കുന്നു. ഖത്തര് ടൂറിസം ചെയര്മാന് സാഅദ് ബിന് അലി അല്-ഖര്ജി ആഗോള ടൂറിസം മേഖലയിലെ പുതിയ പ്രവണതകള് അവതരിപ്പിച്ചു.
സാങ്കേതിക വിദ്യ, സുസ്ഥിര വികസനം, ഉത്തരവാദിത്തപരമായ യാത്ര തുടങ്ങി ഭാവിയിലെ ടൂറിസത്തെ നയിക്കാനിരിക്കുന്ന മേഖലകളെയാണ് അദ്ദേഹം ചൂണ്ടിക്കാട്ടിയത്. ഇവന്റിന്റെ പ്രധാന ആകര്ഷണമായി തുടരുന്നത് ഗ്ലോബല് വില്ലേജാണ്. പതിനൊന്നിലധികം രാജ്യങ്ങളുടെ നൃത്തസംഗീത പ്രകടനങ്ങള്, കരകൗശലം, പാരമ്പര്യ കഥകള്, ഭക്ഷണങ്ങള് എന്നിവ സന്ദര്ശകരെ ആകര്ഷിച്ചു. സാംസ്കാരിക വൈവിധ്യവും രാജ്യാന്തര സൗഹൃദവും പ്രോത്സാഹിപ്പിക്കുന്നതിന് ഗ്ലോബല് വില്ലേജ് നിര്ണായക സ്ഥാനമെന്ന് സംഘാടകര് പറഞ്ഞു.
ദിവസം മുഴുവന് നടന്ന മീറ്റിങ്ങുകള്, വര്ക്ക്ഷോപ്പുകള്, നെറ്റ്വര്ക്കിംഗ് സെഷനുകള് എന്നിവയില് ട്രാവല് ഇന്ഡസ്ട്രിയുടെ പുതിയ ട്രെന്ഡുകളായ ഇക്കോ-ഫ്രണ്ട്ലി യാത്ര, ഹോസ്പിറ്റാലിറ്റി മേഖലയിലെ ഡിജിറ്റല് മാറ്റങ്ങള്, യാത്രക്കാരുടെ മാറുന്ന സ്വഭാവം, വെല്നെസ് ആന്ഡ് എക്സ്പീരിയന്ഷ്യല് ടൂറിസം എന്നിവയ്ക്ക് ഊന്നല് നല്കി.
Related News
