റിയാദ്: സൗദി അറേബ്യയിലെ വയോജനങ്ങള്‍ക്കിടയില്‍ ഉയര്‍ന്ന ജീവിത സംതൃപ്തിയുണ്ടെന്ന് ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് (ഗാസ്റ്ററ്റ്) പുറത്തിറക്കിയ 2025-ലെ സ്ഥിതിവിവരക്കണക്കുകള്‍ വ്യക്തമാക്കുന്നു. 60 വയസ്സും അതില്‍ കൂടുതലുമുള്ള ഏകദേശം 1.7 ദശലക്ഷം പേരില്‍ (മൊത്തം ജനസംഖ്യയുടെ 4.8%) നടത്തിയ സര്‍വേയുടെ ഫലങ്ങളാണ് ഇപ്പോള്‍ പുറത്തുവന്നിരിക്കുന്നത്.

91% വയോജനങ്ങളും തങ്ങളുടെ ജീവിതത്തില്‍ സംതൃപ്തരാണെന്ന് അഭിപ്രായപ്പെട്ടു. നിഷ്പക്ഷത പാലിച്ചവര്‍ ഏകദേശം 7% മാത്രമാണ്. പുരുഷന്മാരിലും സ്ത്രീകളിലും അതൃപ്തി പ്രകടിപ്പിച്ചത് വെറും 2% പേര്‍ മാത്രം. സൗദി വയോജനങ്ങളില്‍ ഭൂരിഭാഗവും സാമൂഹികമായി സജീവമാണ്. പുരുഷന്മാരില്‍ 63.4%, സ്ത്രീകളില്‍ 57.3% വും സാമൂഹികമായി സജീവമാണ്. ലിംഗഭേദമന്യേ ഏകദേശം 11% പേര്‍ സാമൂഹിക പ്രവര്‍ത്തനങ്ങളില്‍ ഭാഗഭാക്കാവാന്‍ ഇഷ്ടപ്പെടാത്തവരാണ്.

ദൈനംദിന കാര്യങ്ങളില്‍ വയോജനങ്ങളില്‍ 40.6% പുരുഷന്മാരും സ്വയംപര്യാപ്തരാണ്. 30.9% കുട്ടികളെയും 25.8% ഇണകളെയും ആശ്രയിക്കുന്നു. സ്ത്രീകളില്‍ 40.9% കുട്ടികളെയും 36.5% സ്വയംപര്യാപ്തരെയും ആശ്രയിക്കുന്നു.

പ്രായമാകുന്നതിനനുസരിച്ച് കായിക പ്രവര്‍ത്തനങ്ങളിലെ പങ്കാളിത്തം കുറയുന്നതായും സര്‍വേ കണ്ടെത്തി. 60-64 വയസ്സപകാരായ 42.6% പേര്‍ വ്യായാമം ചെയ്യുമ്പോള്‍ 70-74 വയസ്സുള്ളവരില്‍ ഇത് 24.2% ആയി കുറയുന്നു. 85 വയസ്സിനു മുകളിലുള്ളവരില്‍ 9.6% മാത്രമാണ് വ്യായാമം ചെയ്യുന്നത്.

സ്മാര്‍ട്ട്ഫോണ്‍/കമ്പ്യൂട്ടര്‍ ഉപയോഗത്തില്‍ പുരുഷന്മാര്‍ 86.9%മാണെങ്കില്‍ സ്ത്രീകള്‍ 78% ആണ്. സാങ്കേതികവിദ്യ ഉപയോഗിച്ച് സേവനങ്ങള്‍ നേടുന്നതില്‍ പുരുഷന്മാര്‍ 75.7% ആണ്. സ്ത്രീകള്‍ 58.7%.