റിയാദ്: റിയാദിലെ ജയിലില് മോചനം കാത്ത് കഴിയുന്ന കോഴിക്കോട് സ്വദേശി അബ്ദുറഹീമിന്റെ കേസ് ഫയല് ഗവര്ണറേറ്റില് നിന്ന് ബന്ധപ്പെട്ട വിവിധ വകുപ്പുകളിലേക്ക് നീങ്ങിയതായി വിവരം ലഭിച്ചു. ഫയല് അയച്ചതായുള്ള വിവരം അഭിഭാഷകര്ക്കും ഇന്ത്യന് എംബസിക്കും പവര് ഓഫ് അറ്റോര്ണി സിദ്ദീഖ് തുവ്വൂരിനും ലഭിച്ചതായി റിയാദിലെ അബ്ദുറഹീം നിയമ സഹായ സമിതി അറിയിച്ചു.
ദിയാധനം നല്കുകയും ദീര്ഘകാലത്തെ ജയില് ശിക്ഷ അനുഭവിക്കുകയും ചെയ്ത സാഹചര്യത്തില് ശിക്ഷയില് ഇളവ് നല്കുന്നത് പരിഗണിക്കണമെന്ന് അഭിഭാഷകരായ അഡ്വ. റെന, അബുഫൈസല് എന്നിവര് മുഖേന നിയമസഹായ സമിതി റിയാദ് ഗവര്ണര്ക്ക് അപേക്ഷ സമര്പ്പിച്ചിരുന്നു. വിധിപ്രകാരം ശിക്ഷ കാലയളവായ 20 വര്ഷം 2026 മെയ് 20 നാണ് പൂര്ത്തിയാവുക.
നടപടികളുടെ പുരോഗതിയുമായി ബന്ധപ്പെട്ട് വിവിധ കാര്യാലയങ്ങളെ സമീപിച്ചപ്പോഴാണ് ഗവര്ണറേറ്റില് നിന്നുള്ള നടപടികള് പൂര്ത്തിയാക്കി ഫയല് മറ്റു വകുപ്പുകളിലേക്ക് അയച്ച കാര്യം അധികൃതര് അറിയിച്ചത്. സൗദി പൗരന്റെ മരണത്തെ തുടര്ന്ന് നേരത്തെ വധശിക്ഷക്ക് വിധിച്ചിരുന്ന അബ്ദുറഹീമിന് ദിയാധനം നല്കിയതിനാല് സൗദി കുടുംബം മാപ്പ് നല്കിയിരുന്നു. ഇതോടെ വധശിക്ഷ റദ്ദാക്കപ്പെട്ടു. പിന്നീട് പൊതുഅവകാശ പ്രകാരം കുറ്റാക്കാരനാണെന്ന് കണ്ടെത്തി 20 വര്ഷം ശിക്ഷ വിധിച്ച റിയാദിലെ അപ്പീല് കോടതിയുടെ വിധി സുപ്രിം കോടതി ശരിവെക്കുകയായിരുന്നു.
Related News
