റിയാദ്: സൗദി അറേബ്യയില് പാഴ്സല് ഡെലിവറി സേവനങ്ങള് ഉപയോഗിക്കുന്നവര്ക്ക് നാഷണല് അഡ്രസ്സ് നിര്ബന്ധമാക്കുന്നു. അടുത്ത വര്ഷം ജനുവരി ഒന്ന് മുതല് പുതിയ നിയമം പ്രാബല്യത്തില് വരുമെന്ന് അധികൃതര് അറിയിച്ചു. വിലാസമില്ലാത്തവര് എത്രയും വേഗം ഔദ്യോഗിക പ്ലാറ്റ്ഫോമുകള് വഴി നാഷണല് അഡ്രസ്സ് കരസ്ഥമാക്കണമെന്ന് മന്ത്രാലയം കര്ശന നിര്ദ്ദേശം നല്കി.
15 ദിവസത്തിനുള്ളില് (ജനുവരി ആദ്യം മുതല്) നിയമം നടപ്പിലാകും. നാഷണല് അഡ്രസ്സ് ഇല്ലാത്ത പാഴ്സലുകള് സ്വീകരിക്കാനോ, കൈമാറാനോ, ഡെലിവറി നടത്താനോ കൊറിയര് കമ്പനികള്ക്ക് അനുമതിയുണ്ടാകില്ല. പാഴ്സല് ഡെലിവറി വേഗത്തിലാക്കുക, കൃത്യത ഉറപ്പാക്കുക, ഡെലിവറി സമയത്തെ അനാവശ്യ ഫോണ് വിളികളും ആശയക്കുഴപ്പങ്ങളും ഒഴിവാക്കുക എന്നിവയാണ് ഇതുകൊണ്ട് ലക്ഷ്യമിടുന്നത്.
സൗദിയിലെ ഓരോ വീടിനും സ്ഥാപനത്തിനും വ്യക്തികള്ക്കും സര്ക്കാര് നല്കുന്ന ഏകീകൃത തിരിച്ചറിയല് വിലാസമാണിത്. നിലവില് അബ്ഷര്,
തവക്കല്നാ, സൗദി പോസ്റ്റ്, സിഹത്തി പ്ലാറ്റ്ഫോമുകള് വഴി വിലാസം രേഖപ്പെടുത്താവുന്നതാണ്
നിയമം നടപ്പിലാകുന്നതോടെ കൃത്യമായ വിലാസമില്ലാത്ത പാഴ്സലുകള് വഴിയില് കുടുങ്ങാനോ തിരിച്ചയക്കാനോ സാധ്യതയുണ്ട്. അതിനാല് താമസക്കാരും സ്ഥാപനങ്ങളും എത്രയും വേഗം തങ്ങളുടെ നാഷണല് അഡ്രസ്സ് പുതുക്കുകയോ പുതുതായി രജിസ്റ്റര് ചെയ്യുകയോ ചെയ്യേണ്ടതാണ്.
Related News
