ജിദ്ദ: സൗദി അറേബ്യയുടെ വ്യോമയാന ചരിത്രത്തില് പുതിയ നാഴികക്കല്ല് പിന്നിട്ട് ജിദ്ദ കിങ് അബ്ദുല് അസീസ് അന്താരാഷ്ട്ര വിമാനത്താവളം. 2025-ല് മാത്രം 5.3 കോടി യാത്രക്കാരാണ് ഈ വിമാനത്താവളം വഴി കടന്നുപോയത്. സൗദിയുടെ വ്യോമ ഗതാഗത മേഖല കൈവരിച്ച അസാമാന്യ വളര്ച്ചയുടെ തെളിവായി ഈ നേട്ടം വിലയിരുത്തപ്പെടുന്നു.
രാജ്യത്തെ വ്യോമയാന, ടൂറിസം മേഖലകളെ ലോകത്തിന്റെ നെറുകയിലെത്തിക്കുക എന്ന സൗദി വിഷന് 2030-ന്റെ ലക്ഷ്യങ്ങള്ക്കനുസരിച്ചുള്ള പ്രവര്ത്തനങ്ങളാണ് ഈ വന് മുന്നേറ്റത്തിന് പിന്നില്. വിമാനത്താവളത്തിലെ അടിസ്ഥാന സൗകര്യങ്ങള് രാജ്യാന്തര നിലവാരത്തിലേക്ക് ഉയര്ത്തുന്നതിനും യാത്രക്കാരുടെ കൈകാര്യം ചെയ്യാനുള്ള ശേഷി വര്ധിപ്പിക്കുന്നതിനും നടപ്പിലാക്കിയ ബൃഹദ് പദ്ധതികള് വിജയം കണ്ടതായാണ് കണക്കുകള് സൂചിപ്പിക്കുന്നത്.
കഴിഞ്ഞ വര്ഷം അന്താരാഷ്ട്ര, ആഭ്യന്തര വിമാന സര്വീസുകളുടെ എണ്ണത്തില് വലിയ തോതിലുള്ള വര്ധനവാണ് രേഖപ്പെടുത്തിയത്. തീര്ത്ഥാടകരുടെയും വിനോദസഞ്ചാരികളുടെയും എണ്ണത്തിലുണ്ടായ വര്ധന ജിദ്ദ വിമാനത്താവളത്തിന്റെ തിരക്ക് വര്ധിപ്പിച്ചു. ആഗോള വ്യോമയാന ഭൂപടത്തില് ഒരു പ്രധാന 'ഹബ്ബ്' ആയി ജിദ്ദയെ മാറ്റാനുള്ള സൗദിയുടെ നീക്കങ്ങള്ക്ക് ഈ കണക്കുകള് കരുത്തേകുന്നു.
അടിസ്ഥാന സൗകര്യ വികസനത്തോടൊപ്പം അത്യാധുനിക സാങ്കേതിക വിദ്യകള് കൂടി ഉള്പ്പെടുത്തിയതോടെ യാത്രക്കാര്ക്ക് വേഗത്തിലും സുഗമമായും നടപടികള് പൂര്ത്തിയാക്കാന് സാധിക്കുന്നതും വിമാനത്താവളത്തിന്റെ സ്വീകാര്യത വര്ധിപ്പിച്ചു. വരും വര്ഷങ്ങളില് യാത്രക്കാരുടെ എണ്ണം ഇനിയും വര്ധിക്കുമെന്നാണ് അധികൃതരുടെ പ്രതീക്ഷ.
Related News
