റിയാദ്: സൗദി അറേബ്യക്കുള്ളിലേക്കും വിദേശത്തേക്കും പാര്സലുകള് അയക്കുന്നതിന് ഇനി മുതല് നാഷണല് അഡ്രസ് (ദേശീയ വിലാസം) നിര്ബന്ധമാക്കി. ജനുവരി ഒന്ന് മുതലാണ് പൊതുഗതാഗത അതോറിറ്റിയുടെ ഈ പുതിയ പരിഷ്കാരം പ്രാബല്യത്തില് വന്നത്.
ദേശീയ വിലാസം രേഖപ്പെടുത്താത്ത പാര്സലുകള് സ്വീകരിക്കുന്നതില് നിന്നും ട്രാന്സ്പോര്ട്ട് കമ്പനികളെ അതോറിറ്റി വിലക്കിയിട്ടുണ്ട്. തപാല് മേഖലയുടെ കാര്യക്ഷമത വര്ദ്ധിപ്പിക്കുക, വിതരണ പ്രക്രിയ വേഗത്തിലാക്കുക, ഉപഭോക്താക്കള്ക്ക് മെച്ചപ്പെട്ട സേവനം ഉറപ്പാക്കുക എന്നിവയാണ് പുതിയ നിയമത്തിലൂടെ ലക്ഷ്യമിടുന്നത്. ഡെലിവറി ജീവനക്കാരും ഉപഭോക്താക്കളും തമ്മിലുള്ള അനാവശ്യ ആശയവിനിമയം ഒഴിവാക്കാനും കൃത്യസമയത്ത് പാര്സലുകള് ലക്ഷ്യസ്ഥാനത്ത് എത്തിക്കാനും ഇത് സഹായിക്കും.
അബ്ഷിര്, തവക്കല്ന, സ്വിഹത്തി, സുബുല് ഡിജിറ്റല് പ്ലാറ്റ്ഫോമുകളിലൂടെ പ്രവാസികള്ക്കും സ്വദേശികള്ക്കും തങ്ങളുടെ നാഷണല് അഡ്രസ് കണ്ടെത്താനാവും. പാര്സലുകള് അയക്കാന് പോകുമ്പോള് തങ്ങളുടെ നാഷണല് അഡ്രസ് കൈവശം കരുതുന്നത് നടപടിക്രമങ്ങള് വേഗത്തിലാക്കാന് സഹായിക്കും.
Related News
