റിയാദ്: സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന് സല്മാന് രാജകുമാരന് ഇന്ന് സിറിയന് പ്രസിഡന്റ് അഹമ്മദ് അല്-ഷറയുമായി ഫോണില് സംസാരിച്ചു.
വിവിധ മേഖലകളില് ഇരുരാജ്യങ്ങളും തമ്മിലുള്ള സഹകരണം മെച്ചപ്പെടുത്തുന്നതിനുള്ള അവസരങ്ങളെക്കുറിച്ച് നേതാക്കള് ചര്ച്ച ചെയ്തു. പശ്ചിമേഷ്യയിലെ നിലവിലെ സാഹചര്യങ്ങളും പ്രാദേശികമായ പുതിയ മാറ്റങ്ങളും സംഭാഷണത്തില് അവലോകനം ചെയ്തു.
ഇരുരാജ്യങ്ങള്ക്കും താല്പര്യമുള്ള അന്താരാഷ്ട്ര വിഷയങ്ങളെക്കുറിച്ചും സുരക്ഷാ കാര്യങ്ങളെക്കുറിച്ചും അവര് ആശയവിനിമയം നടത്തി. സിറിയയിലെ സാമ്പത്തിക വീണ്ടെടുപ്പിനും സുരക്ഷാ സ്ഥിരതയ്ക്കും വേണ്ടിയുള്ള ശ്രമങ്ങളെ പിന്തുണയ്ക്കുന്ന സൗദി നിലപാടിനെക്കുറിച്ച് നേരത്തെയും ചര്ച്ചകള് നടന്നിരുന്നു. സൗദി പ്രസ് ഏജന്സിയാണ് കൂടിക്കാഴ്ചയുടെ വിവരങ്ങള് പുറത്തുവിട്ടത്.
Related News
