റിയാദ്- മേഖലയില് യുഎസ്-ഇറാന് സംഘര്ഷം രൂക്ഷമാകുന്ന സാഹചര്യത്തില്, സമാധാനം നിലനിര്ത്താന് ഇരുപക്ഷവും സംഭാഷണത്തിന്റെ പാത സ്വീകരിക്കണമെന്ന് സൗദി അറേബ്യ ആവശ്യപ്പെട്ടു. മുതിര്ന്ന സൗദി നയതന്ത്രജ്ഞര് ഇത് സംബന്ധിച്ച ഔദ്യോഗിക പ്രസ്താവന പുറത്തിറക്കി.
മിഡില് ഈസ്റ്റിലെ സുരക്ഷയും സ്ഥിരതയും അപകടത്തിലാക്കുന്ന നീക്കങ്ങളില്നിന്ന് എല്ലാവരും വിട്ടുനില്ക്കണമെന്നും തര്ക്കങ്ങള് പരിഹരിക്കാന് നയതന്ത്ര മാര്ഗങ്ങള് ഉപയോഗിക്കണമെന്നും സൗദി വ്യക്തമാക്കി. ഇറാന് വ്യോമാതിര്ത്തി അടച്ചതും വിമാന സര്വീസുകള് തടസ്സപ്പെട്ടതും ആഗോളതലത്തില് ആശങ്കയുണ്ടാക്കുന്നുണ്ട്.
ഗള്ഫ് മേഖലയുടെ സുരക്ഷിതത്വം തങ്ങളുടെ പ്രഥമ പരിഗണനയാണെന്ന് സൗദി ആവര്ത്തിച്ചു. സംഘര്ഷം ഒഴിവാക്കാന് അന്താരാഷ്ട്ര സമൂഹത്തിന്റെ ഇടപെടല് ആവശ്യമാണെന്നും സൗദി വിദേശകാര്യ മന്ത്രാലയം സൂചിപ്പിച്ചു.
Related News
