റിയാദ്: കാന്തപുരത്തിന്റെ കേരള യാത്രയ്ക്ക് ഐക്യദാര്ഢ്യം പ്രഖ്യാപിച്ച് ഇന്ത്യന് കള്ച്ചറല് ഫൗണ്ടേഷന് റിയാദ് റീജിയന് (ഐ.സി.എഫ്) ' പ്രവാസവും മനുഷ്യര്ക്കൊപ്പം ' ഐക്യദാര്ഢ്യ സമ്മേളനം സംഘടിപ്പിച്ചു. ജാതി-മത-വര്ണ്ണ വിവേചനങ്ങള്ക്കതീതമായി മനുഷ്യത്വത്തിന്റെ വലിയ സന്ദേശം ഉയര്ത്തിപ്പിടിക്കുന്നതായിരുന്നു ബത്തയിലെ ഡി പാലസില് നടന്ന സമ്മേളനം.
'സൃഷ്ടാവിന്റെ പ്രതിനിധികളാണ് മനുഷ്യര്. സഹജീവികളോട് കരുണ്യം കാണിക്കുകയും അവരെ ചേര്ത്തുപിടിക്കുകയും ചെയ്യുക എന്നതാണ് ഓരോ വിശ്വാസിയുടെയും ധര്മ്മം'. സെന്റിനറി ആഘോഷിക്കുന്ന സമസ്ത കേരള ജംഇയ്യത്തുല് ഉലമ പഠിപ്പിക്കുന്നതും ഇതേ മാനവിക മൂല്യങ്ങള് ആണ്.
എല്ലാ വൈവിധ്യങ്ങളെയും ഉള്ക്കൊള്ളാനും വേദനിക്കുന്നവന്റെ കണ്ണുനീരൊപ്പാനും മനുഷ്യത്വത്തിന് മാത്രമേ സാധിക്കൂ എന്ന് സമ്മേളനം ഓര്മ്മിപ്പിച്ചു.
ആരിഫ് ചുഴലിയും ടീമും തീം സോങ്ങ് അവതരിപ്പിച്ചു. ഇബ്രാഹിം കരീം സ്വാഗതം പറഞ്ഞു. മുഹമ്മദ് കുട്ടി സഖാഫി അധ്യക്ഷത വഹിച്ച സമ്മേളനം ഷാഹിദ് അഹ്സനി ഉദ്ഘാടനം ചെയ്തു. ഭരണഘടനയും മാനവികതയും നേരിടുന്ന വെല്ലുവിളികള്ക്കിടയില് കാന്തപുരത്തിന്റെ കേരള യാത്രയുടെ പ്രസക്തി വര്ത്തമാന കാലത്തെ സംഭവ വികാസങ്ങളെ ഉദ്ധരിച്ചു കൊണ്ട് സൈനുദ്ധീന് കുനിയില് സമര്ത്ഥിച്ചു.
കേരള യാത്രയുടെ ഭാഗമായി ഭരണാധികാരികള്ക്ക് കൈമാറിയ വികസന രേഖയെക്കുറിച്ചുള്ള ചര്ച്ചകള് സമ്മേളനത്തില് സജീവമായിരുന്നു. നാടിന്റെ സമഗ്രമായ പുരോഗതി ലക്ഷ്യമിട്ട് വിദ്യാഭ്യാസം, ആരോഗ്യം, തൊഴില്, പരിസ്ഥിതി, കാരുണ്യം, സേവനം, വാണിജ്യം, മാലിന്യ നിര്മ്മാര്ജ്ജനം തുടങ്ങി സര്വ്വ മേഖലകളെയും സ്പര്ശിക്കുന്ന ഒരു മികച്ച രേഖയാണിതെന്ന് സമ്മേളനം വിലയിരുത്തി. വരാനിരിക്കുന്ന തലമുറയുടെ ക്ഷേമം മുന്നിര്ത്തി തയ്യാറാക്കിയ ഇത്തരം വികസന ആശയങ്ങള് നടപ്പിലാക്കുന്നത് നാടിന് വലിയ ഗുണം ചെയ്യുമെന്നും മാനവിക താല്പര്യത്തോടെയുള്ള ഇത്തരം ശ്രമങ്ങളെ കക്ഷിരാഷ്ട്രീയ ഭേദമന്യേ എല്ലാവരും പിന്തുണയ്ക്കണമെന്നും സമ്മേളനം ആഹ്വാനം ചെയ്തു.
റിയാദിലെ സാമൂഹ്യ-രാഷ്ട്രീയ രംഗത്തെ പ്രമുഖ വ്യക്തിത്വങ്ങള് സമ്മേളനത്തിന് ആശംസകള് നേര്ന്നു. സലിം കളക്കര, സത്താര് താമരത്ത്, സഫറുദ്ധീന് താഴേക്കോട്, നജീം കൊച്ചുകലുങ്ക്, ഇബ്രാഹിം സുബ്ഹാന്, ജയന് കൊടുങ്ങല്ലൂര്, നൗഫല് പാലക്കാടന്, ഷിബു ഉസ്മാന്, ഹനീഫ ഗ്ലോബല്, ശിഹാബ് കൊട്ടുകാട്, സലാം വടകര എന്നിവര് ചടങ്ങില് സംസാരിച്ചു.
