മക്ക: പതിവ് തെറ്റിക്കാതെ റമദാനിലെ രണ്ടാമത്തെ വെള്ളിയാഴ്ച മക്ക കെഎംസിസി സെന്ട്രല് കമ്മിറ്റി സംഘടിപ്പിച്ച മെഗാ ഇഫ്താര് സംഗമം ആയിരങ്ങളുടെ പങ്കാളിത്തം കൊണ്ട് ശ്രദ്ധേയമായി. ഷറായ അല്ശുമൂഹ് ഓപ്പണ് മൈതാനിയില് നടന്ന സംഗമത്തില് സ്വദേശികളും വിദേശികളുമടക്കം സമൂഹത്തിന്റെ വിവിധ തുറകളിലുള്ളവര് ഒത്തുചേര്ന്നു.
മക്കയിലെ വിവിധ ഉദ്യോഗസ്ഥ പ്രമുഖര്, സ്ഥാപന മേധാവികള്, ലേബര് ക്യാമ്പുകളിലെ തൊഴിലാളികള്, കെഎംസിസി ഇരുപത് ഏരിയ കമ്മിറ്റികളിലെ പ്രവര്ത്തകര് എന്നിവരുടെ സാന്നിധ്യം ചടങ്ങിന് മാറ്റുകൂട്ടി. വര്ഷങ്ങളായി തുടരുന്ന ഈ ഇഫ്താര് സംഗമം മക്കയിലെ പ്രവാസി കുടുംബങ്ങളുടെ ഏറ്റവും വലിയ ഒത്തുചേരല് കൂടിയായി മാറി. ഒരോ വര്ഷവും ജനപങ്കാളിത്തം വര്ധിച്ചു വരുന്ന ഈ സംഗമം, സൗഹൃദങ്ങള് പുതുക്കാനും പ്രവാസികള്ക്കിടയില് ഐക്യം വളര്ത്താനുമുള്ള വേദിയായാണ് വിലയിരുത്തപ്പെടുന്നത്.
സെന്ട്രല് കമ്മിറ്റി നേതാക്കളായ കുഞ്ഞിമോന് കാക്കിയ (പ്രസിഡന്റ്), സുലൈമാന് മാളിയേക്കല് (ചെയര്മാന്), മുസ്തഫ മുഞ്ഞക്കുളം (ട്രഷറര്), മുസ്തഫ മലയില്, നാസര് കിന്സാറ, എം.സി. നാസര്, കുഞ്ഞാപ്പ പൂക്കോട്ടൂര്, അന്സാര് കൊണ്ടോട്ടി, സിദ്ധീഖ് കൂട്ടിലങ്ങാടി, ഷാഹിദ് പരേടത്ത്, നാസര് ഉണ്ണിയാല്, ഷമീര് ബദര് കെട്ടുക്കര എന്നിവര് പരിപാടിക്ക് നേതൃത്വം നല്കി.
വിവിധ ഏരിയ കമ്മിറ്റികളില് നിന്ന് തിരഞ്ഞെടുത്ത 300-ല് അധികം വളണ്ടിയര്മാരുടെ സേവനമാണ് പ്രവാസലോകത്തെ ഈ വന് സംഗമത്തിന്റെ വിജയത്തിന് പിന്നില് പ്രവര്ത്തിച്ചത്. വിപുലമായ സൗകര്യങ്ങളാണ് ഇഫ്താറില് പങ്കെടുത്തവര്ക്കായി വളണ്ടിയര് വിംഗ് ഒരുക്കിയിരുന്നത്.
Related News
